Dumateng panjenenganipun
Bopo kepala Desa Tremas,
Arjosari
Bopo Urip Rohmanudin, S.IP
Bopo lan Ibu perangkat Desa Tremas,
Arjosari
Ugi poro hadirin ingkang
kawulo hormati,
Sakderengipun sumonggo
ngunjukaken raos syukur Allhamdullilahirabil’alamin, wonten ngarso dalem Allah
SWT, wendene ing wekdal puniko kulo kan panjenengan saget makempal rawuh
wontening balai desa mriki kanthi wilujeng mboten wonten wonten halangan
satunggal punopo.
Mboten kesupen sholawat lan saham
monggo dicurahaken dumateng junjungan kulo lan panjenengan Nabi Muhamma SAW,
supados mbenjang ing yaumil kiamah kito pikantuk safaat’ipun.
Para rawuh sedoyo, sampun kito
mangertosi bilih Raden Ajeng Kartini miyos nalika tanggal 21 April 1879 ing
Jepara, pramila ing tanggal 21 April meniko kita pangeti minangka dinten
lahiripun Raden Ajeng Kartini kangge mengeti perjuanganipun Raden Ajeng Kartini
ingkang sampun ngangkat drajatipun wanita Indonesia ngantos saged sami kaliyan
derjating priyo.
Rikolo gesangipun, R.A Kartini
para wanita Indonesia tansah wonten ing pingita. Para wanita mboten dipun
keparengaken sekolah. Mboten kepareng gadah pedamelan sami kaliyan priyo.
Nanging sakmeniko para wanita sampun sami derjating kalihan kaum priyo.
Asal perjuanganipun R.A
Kartini Pranyoto saestu saged kaleksanan. Sakmeniko sampun kathah para wanita
ingkang lenggah ing jabatan penting, dados ketua utawi pemimpin kados Ibu
Megawati Soekarno Putri, Presiden Republik Indonesia ingkang kaping 5.
Saumpami Raden Ajeng Kartini
taksih sugeng temtu remen pirso kawontenan kaum wanita ing wanci meniko.
Hak-hak’ipun sami kaliyan kaum priyo. Emansipasi ingkang dipun kersak’aken R.A
Kartini inggih meniko ngangenging hak ing panggesangan sami, antawisipun priyo
kalihan wanita menawi priyo saged sinau ing pawiyatan luhur, wanita inggih
dipun parengaken. Wanita mboten namung ing pawon.
Pamung meniko ingkang saged
kulo aturaken agunging panuwun, dumateng poro rawuh ingkang sami nyengkuyung
pengetan meniko kanthi biyantu arupi menopo kemawon. Mugi sedoyo wau pikantuk
piwales ingkang murwat saking gusti ingkang akarya jagad.
Menawi anggen kulo matur
wonten kalepatan saha salah bawa ingkang kirang mranani penggalih panjenengan
sedoyo, kulo nyuwun pangapunten ingkang sak ageng-agengipun.
by mas Han
Warnet BMI Pacitan
